पवारांच्या भिजण्याने
भाजपला रडवले!
गुरूवार, दि. 24 ऑक्टोबर 2019
सातार्‍याच्या जिल्हा परिषद मैदानावर गेल्या शुक्रवारी 18 ऑक्टोबरला रात्री शरद पवार यांनी भर पावसात भाषण करत प्रचाराची सांगता केली. आणि बघताबघता सोशल मीडियासोबतच सगळे न्यूज चॅनेल्स ‘पवारमय’ झाले. या वातावरणात अनेक तरुण नव्यानेच पवारांकडे आकर्षित झाल्याचं बघायला मिळालं. प्रचारसभा दरवेळीप्रमाणे यंदाही झाल्या. या निवडणुकीतली सातार्‍यात झालेल्या सभेची मात्र इतिहासात नोंद झाली.
गेल्या 5 वर्षांत राष्ट्रवादी आणि काँग्रेस पक्ष जणू आळसावलेल्या मनस्थितीत होता. यापक्षांना जणू मळभच चढलेली होती. पण तरीही अशा वातावरणात शरद पवार नावाच्या 80 वर्षांच्या उमद्या म्हातार्‍याने तरूणांना लाजवेल अशी पक्षनेतृत्वाची धुरा हातात घेत राष्ट्रवादी काँग्रेसच्या उमेदवारांसाठी सोलापूरच्या पंढरपूर आाणि बीड जिल्ह्यातल्या अंबाजोगाईत सकाळी सभा घेतली आणि संध्याकाळी पवारसाहेब सातार्‍यात दाखल झाले. तोपर्यंत सातार्‍याचं जिल्हा परिषदेचं मैदान पवारांना ऐकायला सज्ज झालं होतं.
जिल्हा परिषदेचं मैदान खच्चाखच भरलं होतं. पवार बोलायला उभं राहिले. आणि थोड्याचवेळात पाऊसही पवारसाहेब काय बोलतात ते ऐकायला आला. लोकांना वाटलं पवार आटोपतं घेतील आणि निघून जातील. ऐकायला आलेल्या अनेकांनी आडोसा धरायला सुरवात केली. पण भर पावसात राष्ट्रवादी अध्यक्ष शरद पवारांनी आपलं झंझावती भाषण सुरुच ठेवलं. पवार पावसातच भाषण करताहेत, हे पाहून लोक आणि राष्ट्रवादीचे कार्यकर्ते आणखीनच उत्साहीत झाले. बघता बघता आडोसा घेतलेल्यांनीही आडोसा सोडला. आणि तेही यात सामील झाले. टाळ्या, शिट्ट्यांनी सारा परिसर दणाणत होता. भर पावसात हा 80 वर्षांचा म्हातारा, पायाला गंभीर जखम झालेली असतानाही, लोकांशी बोलत होता... ही थोरच गोष्ट आहे. त्यांचा निवडणुकीतला असा उत्साह पहाताना अर्नेस्ट हिमिंगवेच्या ‘द ओल्ड मॅन अ‍ॅन्ड द सी’ या कादंबरीची राहून राहून आठवण येते.
पवारांची कुठलीही राजकीय खेळी सगळ्यांनाच पेचात टाकणारी असते. हे अवघा महाराष्ट्र नव्हे देशही जाणून आहे. त्यामुळेच त्यांच्या या भर पावसात केलेल्या भाषणानंही जनतेला पेचात टाकले. आणि लागलीच पवारांनी भर पावसात भाषण केल्याचा विडिओ, फोटो वार्‍याहून अधिक वेगाने वायरल झाले.
भर पावसात भाषण केल्यामुळे शरद पवारांवर सोशल मीडियातून कौतुकाचा वर्षाव सुरु झाला. विशेष म्हणजे तरुण पिढीने पवारांच्या पावसातील भाषणाला उत्स्फूर्त दाद दिली. जणू नवऊर्जाच मिळाली होती. याचा नाही म्हटलं तरी परिणाम मतांवरही झाला. पण तो परिणाम प्रत्येक भागातून कमीअधिक प्रमाणात दिसून आला.
राष्ट्रवादीवर पश्चिम महाराष्ट्रात बराच राग होता. सत्तेत असताना पश्चिम महाराष्ट्रावर राष्ट्रवादीनं अन्याय केल्याची भावना होती. चीड होती. मतदार संतापले होते. पण पवारांच्या पावसातल्या भाषणामुळे एक प्रकारची सहानुभुती मिळवण्यात पवार यशस्वी झालेत. इतकंच नाही, तर राष्ट्रवादीला सोडचिट्ठी देणार्‍यांनीच पश्चिम महाराष्ट्रावर अन्याय केला होता, असं बिंबवण्यातही पवार यशस्वी झाले.
पवार पावसात भिजल्याचे फोटो सोशल मीडियात एका रात्रीत वणव्यासारखे पसरले. त्यांच्यावर लोक लिहू लागले. त्यांची स्तुती करु लागले. याचा अर्थ तरुणांना आकर्षित करण्यात पवार यशस्वी झाले, असाच आहे.
तुम्हाला आठवतंय, पश्चिम महाराष्ट्राला महापुरानं वेढा घातल्यानंतर लोकांचे संसार उद्ध्वस्त झाले. तेव्हाही पवार पश्चिम महाराष्ट्राच्या दौर्‍यावर आले होते. ज्या वेगाने पावसात भिजल्याचे पवारांचे फोटो शेअर झाले, पण त्या वेगाने पूरपरिस्थितीची पाहणी केल्यानंतरचे फोटो वायरल झाले नव्हते.
पण पवारांव्यतिरिक्त कुणीही नेता पूराने वेढा घातला तेव्हा पूरग्रस्तांच्या मदतीला येवढ्या तत्परतेने धावून आला नव्हता. आले ते पवारांनंतर. पूरग्रस्तांच्या व्यथा जाणून घेण्याचा इतर कुठल्या नेत्यानं पवारांसारखा प्रयत्न केला नाही, असं लोकच बोलताना सांगताना दिसतात.
पूरस्थितीला मोदी आले नाहीत आणि मतं मात्र मागायला मोदी आले, असा उलट टोला लोकांकडून हाणला गेला. यातूनही हेच स्पष्ट झालं, की पवारांनी पश्चिम महाराष्ट्रात आणि सोशल मीडियात आपली दखल घ्यायला भाग पाडलं. तिथे पवार जिंकले.
पश्चिम महाराष्ट्र किंवा एकूण महाराष्ट्रात रयतेचा राजा ही शिवाजी महाराजांची ओळख आपल्यालाही मिळावी, यासाठी प्रत्येक नेता प्रयत्नांची पराकाष्टा करत असतो. ‘उदयनराजे भोसलेंना तिकीट देऊन चूक केली’, असा कबुलीनामा देणारे शरद पवार राजा, प्रजा आणि रयतेमधला राजा बनण्यासाठी लोकांची तशी दृष्टी तयार करण्यात यशस्वी झालेले दिसताहेत. सत्तेचं सारं वलय असलेल्या मोदी आणि शहांच्या प्रभावापुढे माध्यमांना आपली दखल घेण्यासाठी भाग पाडण्यातही त्यांना यश आलं.
नरेंद्र मोदींच्या सभा तासनतास लाईव्ह दाखवणार्‍या टीव्ही चॅनेलच्या भाऊगर्दीत शरद पवार भाव खावून गेले.
कलम 370, आरे बचाव, राज्यातील महापूर हे विषय विरोधकांनी उचलले. मात्र यामधे पीएमसी बँक खातेधारकांचा विषय जास्त युतीला त्रास देवून गेला, असं जाणकार सांगतात.
80 वर्षांचा एक म्हातारा पावसात भाषण करतो, ही महाराष्ट्राच्या राजकारणतली मोठी गोष्ट आहेच. कॅन्सरशी दोन हात केलेल्या माणसांने कशाचीही पर्वा न करता, उभा महाराष्ट्र पालथा घालणं, हे अन्य कुठल्या नेत्याला जमल्याचं आपल्या नजीकच्या इतिहासात कुठलं उदाहरण नाही, हे नमूद करायला हवं.
निवडणुकीच्या काळात फडणवीसांची महाजनादेश, आदित्य यांची जनाशिर्वाद , मग राज ठाकरेंचा दोन किंवा फार फार तर चार दिवसांचा महाराष्ट्र दौरा, हे पवारांपुढे दुय्यमच ठरलेत. ही लढाईदेखील पवार खर्‍या अर्थाने जिंकलेत.भलेही निवडणुकीत युतीचे सरकार जिंकलेले असले तरी.
सध्याची राष्ट्रवादीची स्थिती भाजपची सत्ता उलथवून टाकू शकत नाही, हे पवारांनाही माहीत आहेच. पण पवारांची येणारी पिढी भाजपला नक्कीच आव्हान देऊ शकते, हे यावरून दिसून येते. कारण शरद पवारांच्या पावसात भिजत केलेल्या भाषणाची प्रेरणा राष्ट्रवादीला नेहमी जिवंत ठेवण्यासाठी पुरेशी ठरणार आहे.
(मारुती वि. पाटील)
भाजपला रडवले!
गुरूवार, दि. 24 ऑक्टोबर 2019
सातार्‍याच्या जिल्हा परिषद मैदानावर गेल्या शुक्रवारी 18 ऑक्टोबरला रात्री शरद पवार यांनी भर पावसात भाषण करत प्रचाराची सांगता केली. आणि बघताबघता सोशल मीडियासोबतच सगळे न्यूज चॅनेल्स ‘पवारमय’ झाले. या वातावरणात अनेक तरुण नव्यानेच पवारांकडे आकर्षित झाल्याचं बघायला मिळालं. प्रचारसभा दरवेळीप्रमाणे यंदाही झाल्या. या निवडणुकीतली सातार्‍यात झालेल्या सभेची मात्र इतिहासात नोंद झाली.
गेल्या 5 वर्षांत राष्ट्रवादी आणि काँग्रेस पक्ष जणू आळसावलेल्या मनस्थितीत होता. यापक्षांना जणू मळभच चढलेली होती. पण तरीही अशा वातावरणात शरद पवार नावाच्या 80 वर्षांच्या उमद्या म्हातार्‍याने तरूणांना लाजवेल अशी पक्षनेतृत्वाची धुरा हातात घेत राष्ट्रवादी काँग्रेसच्या उमेदवारांसाठी सोलापूरच्या पंढरपूर आाणि बीड जिल्ह्यातल्या अंबाजोगाईत सकाळी सभा घेतली आणि संध्याकाळी पवारसाहेब सातार्‍यात दाखल झाले. तोपर्यंत सातार्‍याचं जिल्हा परिषदेचं मैदान पवारांना ऐकायला सज्ज झालं होतं.
जिल्हा परिषदेचं मैदान खच्चाखच भरलं होतं. पवार बोलायला उभं राहिले. आणि थोड्याचवेळात पाऊसही पवारसाहेब काय बोलतात ते ऐकायला आला. लोकांना वाटलं पवार आटोपतं घेतील आणि निघून जातील. ऐकायला आलेल्या अनेकांनी आडोसा धरायला सुरवात केली. पण भर पावसात राष्ट्रवादी अध्यक्ष शरद पवारांनी आपलं झंझावती भाषण सुरुच ठेवलं. पवार पावसातच भाषण करताहेत, हे पाहून लोक आणि राष्ट्रवादीचे कार्यकर्ते आणखीनच उत्साहीत झाले. बघता बघता आडोसा घेतलेल्यांनीही आडोसा सोडला. आणि तेही यात सामील झाले. टाळ्या, शिट्ट्यांनी सारा परिसर दणाणत होता. भर पावसात हा 80 वर्षांचा म्हातारा, पायाला गंभीर जखम झालेली असतानाही, लोकांशी बोलत होता... ही थोरच गोष्ट आहे. त्यांचा निवडणुकीतला असा उत्साह पहाताना अर्नेस्ट हिमिंगवेच्या ‘द ओल्ड मॅन अ‍ॅन्ड द सी’ या कादंबरीची राहून राहून आठवण येते.
पवारांची कुठलीही राजकीय खेळी सगळ्यांनाच पेचात टाकणारी असते. हे अवघा महाराष्ट्र नव्हे देशही जाणून आहे. त्यामुळेच त्यांच्या या भर पावसात केलेल्या भाषणानंही जनतेला पेचात टाकले. आणि लागलीच पवारांनी भर पावसात भाषण केल्याचा विडिओ, फोटो वार्‍याहून अधिक वेगाने वायरल झाले.
भर पावसात भाषण केल्यामुळे शरद पवारांवर सोशल मीडियातून कौतुकाचा वर्षाव सुरु झाला. विशेष म्हणजे तरुण पिढीने पवारांच्या पावसातील भाषणाला उत्स्फूर्त दाद दिली. जणू नवऊर्जाच मिळाली होती. याचा नाही म्हटलं तरी परिणाम मतांवरही झाला. पण तो परिणाम प्रत्येक भागातून कमीअधिक प्रमाणात दिसून आला.
राष्ट्रवादीवर पश्चिम महाराष्ट्रात बराच राग होता. सत्तेत असताना पश्चिम महाराष्ट्रावर राष्ट्रवादीनं अन्याय केल्याची भावना होती. चीड होती. मतदार संतापले होते. पण पवारांच्या पावसातल्या भाषणामुळे एक प्रकारची सहानुभुती मिळवण्यात पवार यशस्वी झालेत. इतकंच नाही, तर राष्ट्रवादीला सोडचिट्ठी देणार्‍यांनीच पश्चिम महाराष्ट्रावर अन्याय केला होता, असं बिंबवण्यातही पवार यशस्वी झाले.
पवार पावसात भिजल्याचे फोटो सोशल मीडियात एका रात्रीत वणव्यासारखे पसरले. त्यांच्यावर लोक लिहू लागले. त्यांची स्तुती करु लागले. याचा अर्थ तरुणांना आकर्षित करण्यात पवार यशस्वी झाले, असाच आहे.
तुम्हाला आठवतंय, पश्चिम महाराष्ट्राला महापुरानं वेढा घातल्यानंतर लोकांचे संसार उद्ध्वस्त झाले. तेव्हाही पवार पश्चिम महाराष्ट्राच्या दौर्‍यावर आले होते. ज्या वेगाने पावसात भिजल्याचे पवारांचे फोटो शेअर झाले, पण त्या वेगाने पूरपरिस्थितीची पाहणी केल्यानंतरचे फोटो वायरल झाले नव्हते.
पण पवारांव्यतिरिक्त कुणीही नेता पूराने वेढा घातला तेव्हा पूरग्रस्तांच्या मदतीला येवढ्या तत्परतेने धावून आला नव्हता. आले ते पवारांनंतर. पूरग्रस्तांच्या व्यथा जाणून घेण्याचा इतर कुठल्या नेत्यानं पवारांसारखा प्रयत्न केला नाही, असं लोकच बोलताना सांगताना दिसतात.
पूरस्थितीला मोदी आले नाहीत आणि मतं मात्र मागायला मोदी आले, असा उलट टोला लोकांकडून हाणला गेला. यातूनही हेच स्पष्ट झालं, की पवारांनी पश्चिम महाराष्ट्रात आणि सोशल मीडियात आपली दखल घ्यायला भाग पाडलं. तिथे पवार जिंकले.
पश्चिम महाराष्ट्र किंवा एकूण महाराष्ट्रात रयतेचा राजा ही शिवाजी महाराजांची ओळख आपल्यालाही मिळावी, यासाठी प्रत्येक नेता प्रयत्नांची पराकाष्टा करत असतो. ‘उदयनराजे भोसलेंना तिकीट देऊन चूक केली’, असा कबुलीनामा देणारे शरद पवार राजा, प्रजा आणि रयतेमधला राजा बनण्यासाठी लोकांची तशी दृष्टी तयार करण्यात यशस्वी झालेले दिसताहेत. सत्तेचं सारं वलय असलेल्या मोदी आणि शहांच्या प्रभावापुढे माध्यमांना आपली दखल घेण्यासाठी भाग पाडण्यातही त्यांना यश आलं.
नरेंद्र मोदींच्या सभा तासनतास लाईव्ह दाखवणार्‍या टीव्ही चॅनेलच्या भाऊगर्दीत शरद पवार भाव खावून गेले.
कलम 370, आरे बचाव, राज्यातील महापूर हे विषय विरोधकांनी उचलले. मात्र यामधे पीएमसी बँक खातेधारकांचा विषय जास्त युतीला त्रास देवून गेला, असं जाणकार सांगतात.
80 वर्षांचा एक म्हातारा पावसात भाषण करतो, ही महाराष्ट्राच्या राजकारणतली मोठी गोष्ट आहेच. कॅन्सरशी दोन हात केलेल्या माणसांने कशाचीही पर्वा न करता, उभा महाराष्ट्र पालथा घालणं, हे अन्य कुठल्या नेत्याला जमल्याचं आपल्या नजीकच्या इतिहासात कुठलं उदाहरण नाही, हे नमूद करायला हवं.
निवडणुकीच्या काळात फडणवीसांची महाजनादेश, आदित्य यांची जनाशिर्वाद , मग राज ठाकरेंचा दोन किंवा फार फार तर चार दिवसांचा महाराष्ट्र दौरा, हे पवारांपुढे दुय्यमच ठरलेत. ही लढाईदेखील पवार खर्‍या अर्थाने जिंकलेत.भलेही निवडणुकीत युतीचे सरकार जिंकलेले असले तरी.
सध्याची राष्ट्रवादीची स्थिती भाजपची सत्ता उलथवून टाकू शकत नाही, हे पवारांनाही माहीत आहेच. पण पवारांची येणारी पिढी भाजपला नक्कीच आव्हान देऊ शकते, हे यावरून दिसून येते. कारण शरद पवारांच्या पावसात भिजत केलेल्या भाषणाची प्रेरणा राष्ट्रवादीला नेहमी जिवंत ठेवण्यासाठी पुरेशी ठरणार आहे.
(मारुती वि. पाटील)
No comments:
Post a Comment